ONENA EMATEKO GARAIA

Gipuzkoako diputatu nagusia eta EAK-PNVko hautagaia, Markel Olanok mitin batean parte hartu du Arrasaten non krisia eta langabezi gaiei arreta jarri dien “hauek baitira gizarteak egun dituen kezka nagusienak”.

Krisiari erantzuteko “edozein neurri eta edozein modutan ezinezkoa da” esan du Olanok. Euskadiko ekonomiak ibilbide eredugarria egin du, bereziki eskualde honi lotuta dauden berezko ezaugarriekin, eta berrikuntzari zuzentzen zaion inbertsioari dagokionean Europan erreferente bilakatu dena. Urteetan berrikuntzaren alde egin den apustua “lan txukun eta egoki baten kultura izan da” azpimarratu du hautagai jeltzaleak.

Inguruko beste ekonomia ereduak berriz ez daude gauza bera esateko moduan, “Zapatero eta Lopezen ereduak eragin duen ekonomia suntsituaz ari naiz eta hauxe azaltzeko “inurria eta txirritaren” alegia datorkit burura”.

EAJ-PNVk I+G, austeritatea eta lantaldearen alde apustu egin duen bitartean, sozialistak inprobisazioetan eta diru errazaren bidean erori dira. Zer gertatu da orain? Espainian %21eko langabezian dutela eta Gipuzkoan %8.9koa, hau da, estatuko langabezi tasa baxuena dugula.

“43.000 langabetik gora ditugu Gipuzkoan eta erakundeetatik enpresetan lana sortzera lagunduko duten neurriak bultzatzea izango da nire obsesioa.Krisiaren aurkako planak martxan jarri ditugu eta dudarik ez izan Krisiaren aurkako hirugarren Planari ekingo diogula enpresak eta lana sortzen laguntze aldera”.

Erakunde guztiek bide beretik joatea ezinbestekotzat jo du baina momentuz “ez dugu Lopezen gobernutik datozen neurri eraginkorrik ikusi”.

Enpleguaren eskuduntza duen erakundea, Patxi Lópezen gobernua, gizartearen arazoei erantzun beharrean, erakundea bera gizartearen arazo bilakatu da. Planifikaziorik gabekoa, hezkuntza eta enpresa agenteekin akordiorik ez duena, eta mesfidantza eta desilusioa eragin dituzten aurreikuspen eta itxaropen faltsuak luzatu dituena.

Testuinguru honen aurrean, Olanok bi hausnarketa egin ditu, bere ustez, igandera begira Gipuzkoako gizarteak barneratu egin behar dituena.

Hauteskunde hauetan abertzaleen artean dagoen zatiketa dela eta, “EAJ-PNVk ordezkatzen du abertzale aukera baliagarriena”.

Azaldu duen bigarren hausnarketaren arabera krisia gainditzeko eta kudeaketa eraginkorra gauzatzeko ezinbestekoa da abertzaletasun instituzionala indartzea. Testuinguru honetan, “erakundeetan lidergo sendoa gauzatzeko EAJ-PNVk erdiko bidea ordezkatzen du, are gehiago, Europan errespetuz har gaitzaten Gipuzkoak krisitik irtetea eta hainbat proiektu estrategikoak jokoan dituenean”