ONENA EMATEKO GARAIA

Gipuzkoako diputatu nagusia eta EAJ-PNVko hautagaia, Markel Olanok mezua bidali die gaur Gipuzkoako egoera ekonomikoarekin benetan kezkatuta dauden gipuzkoarrei eta krisi egoeran erakundeek jokatu behar duten erantzukizunari jarri dio arreta gaurkoan. Olanok erakundeetako kudeakatea eraginkor bat aldarrikatu du baita ere udaletxe sozialistetan non gestioa erabat desegokia izan den.

80ko hamarkadan industriaren alde egin genuen eta gurekin bat ez zetozen jarrerak entzun behar izan genituen. 90ko hamarkadan gure lehentasuna berrikuntzan jarri genuen eta erronka hau zalantzan jartzen saiatu zen ahotsaren bat entzun genuen. Hortik aurrera, sistema ekonomiko sendo batean oinarrituz EAJk lideratutako erakundeek estatu osoan ezagutzen ez den politika sozialetako sistema eredugarri bat martxan jarri genuen.

Kudeaketa egokia izan duen iragan eta ibilbidea erakusten dugu eta eredu honen arrakastak badu printzipio bat, Euskaditik Euskadirentzat kudeatu izana, alegia. Hau guztiagatik, “igandean %21eko langabezia eta %8,9ko langabeziaren artean aukeratuko dugu,PSOEren ekonomia suntsitua edo EAJ-PNVren ekonomia lehiakorraren artean”.

Krisia bitartean, premiazko beharrei erantzutea izan da urgenteena eta honekin batera EAJk etorkizunera begira neurri estrukturalak ezarri ditu, krisi egoeratik irteteko ez baita nahikoa bono-txartelak, txeke-opariak eta konponketak egiteko laguntza puntualak.

Ez da txantxetarako garaia, eta testuinguru politikoa kontutan hartuta, une honetan argi utzi behar dugu EAJ-PNVk euskal gizartearen erdiko bidea eta abertzale boza eraginkorra ordezkatzen dituela.

Iganderako hauteskunde egunera begira, hautagai jeltzaleak esan du alderdi abertzale ugari dagoela eta zatiketa honek abertzaletasuna bera kaltetu dezakeela. “Datozen urteetan ordezkaririk gabe geratzeko arriskua duten boza abertzaleak badira. Hortaz, “Gipuzkoan EAJ-PNVk ordezkatzen du aukera eta bozka abertzale eraginkorrena”.