ONENA EMATEKO GARAIA

Hauteskundeetan herriz herri ibiltzen den autobusa gaurkoan Aia, Asteasu, Tolosa eta Villabonara gerturatu da.

Aian baserri bat bisitatu du taldeak. Rafa Uribarren, Foru Diputatua eta Aiarako EAJren alkategaia Igor Iturain taldearen parte izan dira. Bertan sektorearen inguruko gorabeherak aztertzeko eta eztabaidatzeko aukera egon da.

Ondoren Aiako plazara joan da taldean eta bertan ekitaldi politiko txiki bat egin dute. Rafa Uribarren eta Igor Iturainek hartu dute hitza lau urte hauetan herri txikien aldeko apustuaren nondik norakoak azaltzeko. Baita etorkizunera begira aurreikusten diren erronkak eta apustuak aurkeztu dira.

2007-2011 legealdian LG32 programa martxan jarri du herri txikien garapenari begira. Aldi berean, 2010. urtean Batzar Nagusietan, Gipuzkoako Nekazaritzaren Etorkizunari buruzko ponentzia onartu zen, erronkak eta estrategiak bertan zehaztu zirelarik, alderdi polítiko guztien adostasunarekin. Hurrengo legealdira begira, EAJ-PNV-k bai herri txikien eta baita nekazal sektorearen aldeko apustua berresten duela nabarmendu dute. Honetarako bi ekimen nagusi martxan jarriko direla azaldu dute:

LANDAGIPUZKOA PLUS: 2500 biztanle azpiko herrietara zuzendua beraien azpiegitura teknologiko eta soziokulturalak hobetzera eta jarduera ekonomikoak bultzatzera zuzendua.

LURRA BIZIRIK: (Ponentziaren gauzatzea)

EAJ-PNV-k ez ditu konzebitzen herri txikiak nekazal jarduerarik gabe.

Gainontzeko sektoreei bezalaxe, nekazal sektoreari ere krisi ekonomikoak egur latza eman dio.

Krisiarengatik bereziki kaltetuak izaten ari diren azpisektore nagusienen aldeko apustua egin behar da: esne sektorea, haragi sektorea, artzaintza…

Zentzu honetan, ildo desberdinak jorratu beharko dira,besteak beste:
• Profesionaltasuna, lehiakortasuna, bideragarritasuna, inbertsiotarako laguntzen bidez.
• Ekoizpen kostuak gutxitzeko planak…
• Produktuen eraldaketa eta merkaturatze kostuak gutxitzeko ekimenak….
• Komertzializazio bide berrien jorratzea