ONENA EMATEKO GARAIA

Gipuzkoako diputatu nagusia eta EAJko hautagaia, Markel Olanok esan du PSE-PP frontearen aurrean abertzaleok esnatu, eta irmo agertu behar dugula. “Bertan geratzeko asmoarekin iritsi zen pse-pp frontea eta abertzaletasuna erakundeetatik aterarazteko helburu bakarra du. Gure erantzun irmo eta eraikitzailea merezi dute”.

Hautagai jeltzaleak Lourdes Idoyagarekin izan da eta baikor baloratu du Auzitegi Konstituzionalak Bilduren inguruan hartu duen erabakia. ”Gure Herriaren demokraziarentzat eta bakearentzat albiste oso ona da ”. Lanerako garaia da eta krisia gainditzeko eta Gipuzkoa eraikitzeko ideien eta proiektuen inguruan eztabaidatzea da orain egin beharrekoa”.

Ezin dugu aukera galdu ez baitira edonolako hauteskundeak. “ Ez da zatiketarako momentua eta aukera integratzaileenaren alde egin behar dugu. Aukera eraginkorrena eta eraikitzaileenaren alde, Herri honetatik Herri honengan pentsatutako ereduari bai esan behar diogu”.

Eskualde honetan jorratu den enpresa espirituak ongi adierazten du urtetan Gipuzkoan defendatu dugun ekonomia eta enpresa eredua. ”Gure eredu ekonomikoak kolokan jartzeko arrisku du, Zapaterok eta Lopezek, enpresa ehunari bizkarra emanez, porrot egin duen kudeaketaren ondorioz. Krisiari erantzuteko inprobisazioan erori dira beraien eraginkortasun eza agerian utziz, eta horren aurrean EAJ-k gure gizartearekin lotura zuzena duen kudeaketa eraginkorra ordezkatzen du”.

Bestalde, Oñatiko alkatea eta alkatetzarako hautagaia, Lurdes Idoyagak urte hauetan EAJren kudeaketaren ezaugarri nagusiak gertutasuna eta herritarren parte hartzea izan direla adierazi du.

“Kudeaketa estilo berri honi esker gure helburu nagusienak gauzatu ditugu. Gure hitza bete dugu”, adierazi du Idoyagak.

Etorkizunera begira, herritarrengan pentsatuak diren hainbat proiektu iragarri ditu, besteak beste, oinezkoentzat eta bizikletetarako Zañartu-Garagaltza eta Bereao-Murgia-Olabartako “zirkuitu berdea”; adinduentzat esperientzia eskola; 5. kontenedorearen hedapena, eta ETEOko instalazioen berrerabilerarako martxan jarriko den ideia lehiaketa.