ONENA EMATEKO GARAIA

Markel Olano Gipuzkoako diputatu nagusi eta EAJ-ko hautagaiak alderdi abertzaleen zatiketari jarri dio arreta, bereziki Gipuzkoako egoerari, horrek gizarte gipuzkoarraren errealitatearekin bat ez datozen kontraesanak ekarriko lituzkeela adierziz. “Gauza gehiago daude elkartzen gaituztenak banatzen gaituztenak baino eta, hala ere, alderdi abertzaleen erramillete ugaria dago, eta beraz beharrezkoa da zehaztea zein den aukerarik egokiena eta eraginkorrena. Gure zatiketa ez dugu utzi behar PP-PSOEren giltza bilakatzen”, esan du Olanok.

Adierazpenok Zarautzen egin ditu Olanok, Imanol Lasa Zarauzko alkatetarako hautagai jeltzalea aldamenean zuela, Urola Kostako hautagaiekin bilera egin ondoren.

Markel Olanok esan du Gipuzkoako herriak hemen bertan erabaki behar dugula nola eraiki eta garatu, gure nortasun bereziari errespetua izanez. “Konplexu arrastorik gabe” erantsi du. “Gure nortasuna zaintzeak eta indartzeak herri honetan ez lioke inori molestatu behar”.

“Badugu eredu bat, gure-gurea, eta horren arabera eraiki behar ditugu gure herriak, serio eta zorrotz jokatuz. Areago ibili behar dugu geure bidetik igarotzen ari garen hain bolada ekonomiko zail honetan eta jakinik PSOEren eredu ekonomiko eta sozialak mesfidantza eta atzerakada besterik ez duela ekarri”.

Azkenik, Zarautzeko alkatetzarako hautagaiak, Imanol Lasak esan du ezagun dela herrian udal erreferente argiagoaren premia. “Urte hauek interesgarriak izan dira kudeaketari dagokionez baina gure herriak talde sendoagoa eta hurbilagoa behar du. Ni prest nago zeregin horri heltzeko eta lideratzeko”.