ONENA EMATEKO GARAIA

Ahaldun Nagusiak argitu du atzo bertan Aldundiaren Gobernu Kontseiluak Sollubeko tunelaren eta Bermeoko saihesbidearen behin betiko ibilbidea onartu zuela. “Hori azken pausua da lanok lehiaketa publikoan atera baino arinago, beste pausu bat, etapak beteten” ospatu du Bilbaok. Ondorio bezala hausnarketa bat egin du Bilbaok: “beti guzurretan ibili direnak gezurretan dabilz barriro. Geuk geure konpromisoei eusten deutsegu eta Bermeoko saihesbidea zein Sollubeko tunela aurrera doaz”. José Luis Bilbaok iragarri du lanak aurten hasiko direla, “pankartakoek galerazten ez badituzte behintzat”.

Hitz horiekin Bermeo eta eskualde osoa “gezurrez josi” izana salatu du Bilbaok, Sollubeko tunela martxan jartzeko konpromisoa “bete ez dogula esateko”.

“Gezurti deitu digute inoiz ezer egin ez dutenek. Ezezkoan bizi direnek” salatu du Bilbaok eta ezker abertzaleari buruz esan du “orain arte ezer positiboan egiteko kapaz izan ez direla, “pankarta bati itsatsita bizi direnek, eurentzako eskubideak eskatu bai, baina besteonak onartu ez dutenek deitu digute gezurti”.

José Luis Bilbaok esan du “beti gauza guztien kontra egon diran horiek batzeko prest dauden egunean, laguntzeko  prest dagozan egunean”, herri hau “desberdina” izango dela.

Gauzak horrela ondorengo hauteskundeetan “buruarekin bozkatzera” deitu du gizartea, “guztion dirua noren edo nortzuen esku ipiniko dogun erabagiko dogu hemen”. “Bihotzarekin eman behar da botoa, bai. Baina baita buruagaz be” esa ndu Bilbaok. Ondorengo lau

urteetan “suntsipen nazionalean bizi izan direnek” laguntzeko, lan egiteko eta izerdia botatzeko gai ere badirela frogatu beharko dutela esan du.