ONENA EMATEKO GARAIA

Euskadiko Kosten Mugaketa Sailak La Arenako hondartzako harriak kentzeko baimena eman dio Zierbenako udalari. Ondorioz, gaurtik aurrera eta hondartzen denboraldia ekainaren lehenean hasi arte, bost mila metro kubiko harri (5.000m3) aterako dira Zierbenako Portuan eraikitzen ari den AZ3 eustarria betetzeko.

La Arena hondartzak harrien metatzea pairatu izan du 80. hamarkadaz geroztik. Egoera hau 2009ko udatik hona larriagotu zelarik, Zierbenako Udalak Euskadiko Kosten Mugaketa Sailari eskatu zion hondartzaren ipar-mendebaldean metatutako harriak kentzeko baimena. Baimen horrek itsasorako sarbidea eta areatzako ibilaldiak erraztu zituen.

2010eko udako denboraldi hasiera baino lehenago, arazoak jarraitzen zuela ikusita eta konpontzeko alternatiba ezberdinak baloratu ondoren, Udalak hondartzako harriak kentzeko lana ordaintzea eskaini zuen.

Horren ostean, konponbidetzat jo zen harri hauek txikitzea eta Ostendeko hondartzara eramatea, baina 2010eko abenduan Kosten Mugaketa Sailak esan zuen ezinezkoa zela harri hauek leku aldatzea, eta udal teknikoen taldeak bestelako aukera batzuk aztertu zituen.

Beste alde batetik  Kosten gaineko 22/1988 legearen 63.2 artikuluak ezartzen du debekatuta dagoela hondartzatik harriak kentzea  “  debekatuta dago harriak eraikuntzarako ateratzea, hondartzak egiteko eta berregiteko ez bada”.

Zentzu honetan, Udalak azken 2 urteotan Euskadiko Kosten Mugaketa Sailarekin bilerak, eskariak eta elkarrizketak izan ondoren, azkenean lortu da harrien jatorria kanpokoa dela egiaztatzea. Gaur, Euskadiko Mugaketa Sailaren baimena izan ondoren, azken urteotan hondartzan pilatutako harriak kentzeko lanean ibili da Zierbenako alkatea, Marce Elorza, EAJ-PNVko Ezkerraldeko eta Meatzaldeko alkate eta alkategaien laguntzarekin batera.

Halaber, Bizkaiko Foru Aldundiak, proiektu honi diruz laguntzeko prestutasuna adierazi du, Ezkerrraldean dagoen hondartza bakarrak,  eredugarria gainera zerbitzuei dagokionean, erabiltzaileek beharrezkoa duten kalitateaz gozatzeko eskaintza egin diezaien.