ONENA EMATEKO GARAIA

Gipuzkoako diputatu nagusia eta EAJko hautagaia, Markel Olano positibotzat jo du Auzitegi Konstituzionalak Bilduk datorren maiatzaren 22ko hauteskundeetan parte hartzearen alde hartu duen erabakia. “Espero dut herri honetan demokraziaren aurka egin diren erasoen garaia gaindu izatea eta aukera politiko guztiak gure herriaren aldeko eztabaida eraikitzailea zabaltzea. Albiste ona da eta orain lana egitea dagokigu, ideia eta proiektuekin, Gipuzkoa erakitzen jarraitzeko.”

Olanok Legazpin, udalerako EAJko hautagai Javier Iraetarekin batera egindako kanpaina ekitaldian esan du gaurko eguna egun handia dela gure herriaren bake eta normalizazio bidean. Lehen mehatxupean edo legez kanpo zauden pertsonak bozka eman ahal izango dute datorren maiatzaren 22an eta horrek posible egingo digu benetako eztabaida egitea, hau da gizarteak berak izatea paper nagusia eta ez politikoak. Gure herri eta hirietako bizi kalitatea hobetzeko bakoitzak dituzten ekarpen eta proiektu inguruan eztabaidatu nahi nuke”.

Dena dela ibil gaitezen argi PSE eta PPk abertzaletasuna erakundeetatik kanporatzeko helburua zutik dutelako. Behin egin zuten baina gainontzeko erakundeetara zabaltzea ekidin behar dugu azken batean PSE-PP frontea gizarte gehiengoaren aurka doan zentzugabeko akordio bat da. Abertzaletasuna kanporatzea besterik nahi ez duena”.

Erreakzionatu eta erantzun behar dugu. EAj-PNV da hori eragozteko eta gure nortasun propioaren defentsa eta gure erakundeen kudeaketa arduratsu eta eraginkorra mantentzeko alternatiba baliagarria.

“Gaur egun gizartearen kezka nagusia krisi egoera da eta horren aurrean kementsu erantzun behar da. Ikusi dugu Gipuzkoan sozialistek kudeatzen dituzten udalen egoera ekonomikoa eta benetan penagarria eta kezkagarria da. Zapaterok eta Lopezek daramaten arduragabeko eta arriskutsua den eredu ekonomikoaren jarraitzaile hutsak izan dira. “Eredu bikaina langabezia sortzeko, datozen belaunaldiak zorpetuta uzteko eta inbertsioei eta oinarrizko zerbitzuei aurre egiteko baliabideak sortzeko gauza ez den eredua”

Markel Olanok salatu du “hainbeste urtetan Euskadin eraikitako eredu sozio ekonomikoa eta ongizate maila garrantzitsua, bidezkoa eta solidarioa eman diguna hankaz gora jartzen ari direla.”.