ONENA EMATEKO GARAIA

Zer egin behar dugun:

1. Bilbon kalitateari eustea lehentasunezkotzat jotzea aurrekontuetan, oinarrizko zerbitzuetarako behar diren baliabide ekonomikoak bermatuz.

2. Garbiketa eta zabor-bilketaren kalitatea mantentzea.

3. Bilbobus.
• Hiriko gazteentzat, Bilbobusen GazteTrans prezio merkeagoko txartela ezartzea.
• Bilboko autobusen etengabeko eraberritzea.
• Zerbitzuaren kalitatea eta autobus-parkea mantentzeko kontrol eta jarraipen tresnak finkatzea.
• Barne kudeaketa hobetzea eta Bilbobuseko bidaiarien erabilerraztasuna eta hiritarrekiko komunikazioa xede duen eraberritze teknologikoari eustea.


4. Bilbobusen eskaintza hirian ezartzen diren garraio publikoetara egokitzeko aukera aztertzea. Txurdinagan, Metroaren iritsieraz, garraiobide honetarako irisgarritasuna hobetzea auzo osoarentzat.

5. Argiteria publikoa eta energia aurreztea.
• Auzoetan argiteria publikoa hobetzeko planari eustea, Hiriko kale eta espazio publikoen argiztapen ona bermatzearren.
• Energia Aurrezteko Plana. Energia eraginkortasunerako planen alde apustu egitea, argiteria publikoan nahiz argiztapen apaingarrietan eta udal eraikinetan energia-kontsumo txikiagoko sistemak sartuz. Hau egiten hasiak gara eta %25 inguruko aurrezpenak lortzen dira.


6. Ur hornidura.
• Bilboko Ur Hornikuntza Sarea hobetzeko planarekin aurrera jarraitzea, hodi-apurketak saihestu eta uraren aurrezpena hobetzeko.
• Jabe erkidegoekin elkarlanean jardutea, ur-horniketa eta saneamendurako hoditeria pribatuak mantendu eta hobetzeko.

7. Bilboko parke eta berdeguneen kalitatea.
• Bilboko berdeguneen mantenimendua bermatzea, bizitza eta aisiaren kalitatearen isla diren heinean.
• Berdegune apaingarriak bultzatzea bidegurutzetan, parkeetan eta lorategietan.

8. Espazio publikoan dauden hiri-altzari eta elementuen mantenimendua eta egoera ona bermatzea.


Bilbok hiri segurua izaten jarraitu behar du.