ONENA EMATEKO GARAIA

Zer egin nahi dugun:


Bilbo gardena.

• Gardentasun gorenaren aldeko politikan sakontzea, bereziki kontratu publikoen esleipenari dagokionean, Administrazio alorreko prestakuntza, lizitazio eta esleipenerako prozedura baimenduen jarraipen telematikoa egitea erraztuko duen kontratazio elektronikoko plataforma batez, betiere gardentasuna eta eraginkortasuna bermatzeko asmoz.
• “Bilbao.net” webgunean udal kontratu nagusien zerrenda plazaratzea, hornitzaileak, zerbitzuak eta esleipenetako kopuruak zehaztuz.
• Gobernu Plana lantzea, kudeaketa-aldi horretarako konpromisoak adieraziz, eta hiritarrei jakinaraztea, esparru bakoitzean helburu batzuk finkatuz, eta urtero konpromisoen betetze-mailari buruzko balorazioa eginez.
• Hiritarrei, webgunearen bidez, posta elektronikoko helbide bat eta helbide postala ematea, Alkateari kexak, iritziak edo iradokizunak zuzendu ahal izateko.


Zorroztasun ekonomikoa.

• Udalaren gastua bere benetako ahalmen ekonomikoari egokitzea, gastu politikak aurreikusitako diru-sarreren errealitateari egokituz.
• Gehiegizko zorra saihestea, maileguaz baliatuz bakarrik ez-ohiko kasuetan, Bilboren etorkizuneko proiektu estrategikoak bermatzearren.
• Bilbo eta bilbotarren oinarrizko zerbitzuetarako beharreko aurrekontu-finantzaketa bermatzea. Aurrekontuetako gastuen atalean, Udalaren ardurapeko zerbitzu eta programei lehentasuna ematea.
• Bilboko etorkizuneko proiektuak, auzoen hobekuntza eta Bilbobus, garbiketa eta zabor-bilketa, ura eta saneamendua bezalako zerbitzuak mantentzeko urteroko inbertsioa bermatzea.
• Udal gastuetan abian diren eraginkortasun eta austeritate politikak sendotzea, Udalak dituen baliabideen kudeaketa hobetuko duten programa eta ekintzen mesedetan.
• Udala modernizatzeko egiten ari den ahaleginari eustea, administrazioa eraginkorragoa eta lehiakorragoa izan dadin.
• Politika fiskal arduratsua mantentzea, ekonomia dinamizatzeko tresnatzat.
• Hornitzaileei fakturak ordaintzeko epeak murriztea, Berankortasun Legeak ezartzen dituen epeei jarraiki.