ONENA EMATEKO GARAIA

Zer egin behar dugun:

Bilboko Barruti-Kontseiluak sustatzen jarraitzea: Auzokide Plana 2011-2015 eta urtero 1,5 milioi inguruko ekarpena egitea Bilboko Barruti bakoitzeko, Kontseiluek zertan inbertitu erabaki dezaten.


Bilbon aparkatzeko lekuak hobetzea:
• Lur gaineko aparkalekuak sortzeko Plana: lur gainean aparkatzeko 2.000 leku gehiago Bilboko auzoetan.
• Muga egiten duten auzoetan TAO eremu berriak jartzeko aukera aztertzea, Barruti-Kontseiluekin eta egoiliarrekin batera.
• Udalak bultzatutako aparkalekuen ikuskatze-plana indartzea, emakidadun, sustatzaile eta eraikitzaileak mantentze-lanak egitera behartuz.


Auzo Bihotzak proiektua, Bilboko auzoetan jarduera ekonomikoa, komertziala, soziala eta kulturala bultzatzeko.
• Auzoetako espazio publikoetan jarduerak antolatzeko aukera bultzatzea, bizitza dinamizatuz eta jendea bertako merkataritza-guneetan atxikiz.
• Merkataritza tradizionala bultzatzeko eta berritzeko planak sustatzea eta merkatarien elkarteekin elkarlanean auzoetako hiri-hobekuntzarako politikak diseinatzea.
• Auzoetako merkataritza birgaitzeko laguntza planak garatzea eta hutsik dauden lokalen erabilera sustatzea.
• Auzoetan jarduera ekonomikoak eratu eta enpresa proiektuak erakartzeko aukerak bilatzea.
• Bilboko auzo bakoitzaren berezko nortasuna sendotzeko planak garatzea, auzoetan jarduera eta bizitza soziala bermatuko dituzten dinamikak sortzeko asmoz.
• Auzoetako bizitza dinamizatuko duten ekintza kultural eta sozialak sustatzea, hiritar ingurune desberdinetatik sortutako ekimenak uztartuz.